O CIM é o Centro de Información á Muller, unha unidade encargada de promover unha intervención pluridisciplinar e integral dende a perspectiva de xénero.

Trátase dun servizo de atención ás mulleres e a seus familiares, que lles proporciona asesoramento social, xurídico e psicolóxico, así como información dos recursos específicos existentes na comarca de Verín. O CIM ademáis levará a cabo outras actividades e programas, como por exemplo actividades de co-educación en escolas para a promoción dos valores de igualdade, programas de prevención e concenciación en temas como a violencia de xénero ou colectivos en risco de exclusión por razóns de xénero, e outras accións, coma a promoción do papel da muller no ámbito científico e desenvolvemento da carreira profesional.