Contactar     |     Acceder     |     Saír

8m-2018

“ O 8 de Marzo debemos unirnos para defender a participación e o activismo das mulleres, promovendo a igualdade de xénero e o empoderamento”.

- Únete a nós! Veñas do urbano ou da aldea, traballes na casa ou fóra, con ou sen carreira, con ou sen fillxs! Únete a nós! Hoxe é o noso día, o día das mulleres!

Que significa o 8 de Marzo, “Día Internacional da Muller”?

En 1.975 a ONU declarou o 8 de Marzo “Día das Nacións Unidas para o Dereitos das Mulleres e a Paz Internacional”. Esta declaración veu sucedida dunha serie de revoltas acontecidas no mundo, na que as mulleres decidiron unirse para poñer fin a situación de inferioridade social na que vivían. En estas protestas pedían a redución das xornadas de traballo, subida de salario e o dereito a votar.

Un libro publicado no ano 1.884 por Federico Engels titulado “A orixe da familia, a propiedade privada e o Estado” comeza a defender a separación da sexualidade e a reprodución, maternidade libre, liberación feminina e planificación familiar.

levantamento das 20.000

No ano 1.909 comezou a famosa folga das “camiseiras” coñecida como “Levantamento das 20.000” en Nova York. No 1.910 en Copenhague proclamouse o 8M como o Día da Muller, nunha conferencia á que asistiron 100 mulleres "rebeldes" de 17 países diferentes. Ese mesmo ano, no 1.910 España abría por primeira vez as portas da universidade ás mulleres, logro que debemos a Emilia Pardo Bazán.

La tragedia que dio paso al Día Internacional de la Mujer Trabajadora

Unha traxedia no ano 1.911 na fábrica téxtil “Triangle” en Nova York, no cal 123 mulleres e 23 homes que traballaban en condicións precarias perderon a vida supuxo unha auténtica revolución no mundo, iniciando cambios no ámbito da seguridade laboral e nos dereitos fundamentais das mulleres.

No ano 1.975, a ONU na resolución 32/142 proclama o 8M como o Día da Muller e a Paz Internacional. No ano 2.011 creouse a subdivisión ONU Mulleres e na actualidade, ano 2018, baixo o lema “Agora e o momento: mulleres rurais e urbanas transforman a vida das mulleres” comeza o debate mundial sobre o acoso sexual, violencia e discriminación laboral ás mulleres, con unha crecente determinación ó cambio.

Que conmemoramos este día?

O 8M é un día no que debemos reflexionar sobre os avances logrados, pedir máis cambios e definitivamente celebrar a valentía e a determinación de mulleres de a pé que xogaron un papel clave na historia dos seus países e comunidades.

Moitas persoas se cuestionan a necesidade de proclamar un “Día Internacional”. A finalidade última deste día e sensibilizar as nosas comunidades sobre un problema existente, non soamente a nivel local se non global, no mundo. Os días internacionais, como ben mencionan nos foros da ONU “tamén serven para medir, son termómetros sociais para coñecer o interese e a opinión das persoas en determinados temas clave”. Dende o CIM consideramos que a igualdade e a erradicación da violencia de xénero é un tema clave, e que debería ser tratado como unha prioridade.

Axenda de actividades para a semana do 8 de Marzo: