Na antigüidade, moi poucas mulleres tiñan acceso á educación, só aquelas que pertencían á aristocracia tiveron este privilexio. A raíz do establecemento do patriarcado ás mulleres fóronlles asinadas as responsabilidades relacionadas coa reprodución, a maternidade e a protección familiar; actividades que se limitan ao ámbito doméstico. Existía a idea de que “o ámbito doméstico é para o que as mulleres están preparadas, naquilo que poden desenvolverse” (Reinoso, 2008), sendo incapaces de facer contribucións ó campo da ciencia.
Houbo mulleres que conseguiron sobresaír pero non obtiveron recoñecemento da sociedade en xeral (Aupec, 1998), un dos motivos diso foi que durante séculos as mulleres non podían posuír bens, polo que os beneficiarios das súas invencións de foron os seus maridos, pais ou familiares.
As STEM e o xénero na actualidade
A revolución dixital e os crecentes avances nas TIC xerou cambios importantes nos nosos hábitos e percepcións como sociedade. As carreiras relacionadas coa ciencia, tecnoloxía, enxeñaría e matemática (STEM) son o máis claro exemplo da “brecha de xénero”; Existe unha falta de interese, ou incluso peor, unha percepción de autocompetencia baixa por parte das mulleres en relación a estas áreas”.
Existen, aínda na actualidade, estereotipos de xénero asociados a estes estudos, e unha falta de figuras representativas do xénero feminino nas STEM. Atraer o interese das mulleres polas STEM e canalizar o seu potencial cara as disciplinas que marcarán o camiño cara a evolución mundial é na actualidade unha prioridade universal.
Galicia, terra de científicas
“En Galicia temos a sorte de contar con grandes e recoñecidas científicas”
Exemplos son Maria Wonderburger, Ángeles Alvariño González, Inmaculada Paz Andrade, Teresa Miras, Ana María Prieto, Alicia Estévez, Mª Isabel Fernández García, Celia Brañas Fernández, Ángela Ruiz Robles e un largo etcétera.
Dende o CIM da Mancomunidade de Verín queremos resaltar o papel da muller na ciencia e traballar dende abaixo esas diferenzas sociais e estereotipos que están a marcar o destino intelectual aínda na actualidade de moitas mulleres.
ARTIGOS QUE CHE PODEN INTERESAR:
As primeiras docentes de ciencias na Universidade de Santiago de Compostela
Mulleres galegas e ciencia na rede formativa universitaria (primeiro terzo do século XX)
Ciencia nuclear: as mulleres existen alén de Marie Sklodowska Curie
As mulleres na obra de Frei Martín Sarmiento 1695-1772 , SGI, 2002
“Ensinar ciencias, inculcar novos valores á luz da coeducación”
no replies