Contactar     |     Acceder     |     Saír

“A veces sentimos que o que facemos é tan só unha gota no mar, pero o mar sería menos se lle faltase esa gota”. María Teresa de Calcuta

O voluntariado ofrécenos a oportunidade de contribuír e cambiar o noso mundo. Tanto a nivel nacional coma internacional existen multitude de iniciativas ó noso alcalce para facer unha contribución nalgunha área que nos resulte de interese e na que podamos aportar o noso coñecemento e valores.

En que podemos axudar?
  • Información sobre programas de voluntariado nacional e internacional
  • Información de cursos especializados no terceiro sector
  • Asesoramento básico na creación dunha asociación; ONG…
  • Fomento de iniciativas sociais con perspectiva de xénero
O tempo entregado á causas solidarias sempre será recompensado:
  • Coñecendo persoas fantásticas e con inquietudes parecidas ás túas
  • Viaxando e descubrindo novas culturas. Abrindo mentes
  • Perfeccionando idiomas e coñecemento doutras culturas
  • Mellorando as túas habilidades e competencias
  • Descrubríndote como ser humano
  • Pondo en práctica as túas habilidades comunicativas
  • Coverténdote nunha persoa máis activa socialmente e máis crítica co mundo que nos rodea
A UE e o compromiso coa Equidade de Xénero:

A igualdade entre homes e mulleres é un dos valores fundamentais da Unión Europea. Na actualidade, o "Compromiso estratéxico para a igualdade de xénero 2016-2019" céntrase nas seguintes prioridades:

  • Incrementar a igualdade na participación de homes e mulleres no mercado laboral
  • Loitar contra as diferencias salariais, por tanto, contra á pobreza das mulleres
  • Promover a igualdade de homes e mulleres en canto á toma de decisións
  • Combatir a violencia de xénero e protexer e apoiar ás vítimas
  • Promover a igualdade de xénero e os dereitos das mulleres en todo o mundo

 

O Instituto Europeo para a Igualdade de Xénero (EIGE) contribúe á promoción da igualdade de xénero en Europa a través da prestación de coñecementos á Comisión Europea, ó Parlamento Europeo, e ós Estados membros.

Unha das prioridades dos programas europeos (European Youth Portal) que pomocionan programas para a xuventude é a igualdade de xénero.

Na actualidade hai máis de 206 asociacións en Europa que defenden a igualdade de xénero e que ofrecen intercambios e oportunidades de aprendizaxe.

Queres saber máis? Envia unha mensaxe á cim@mancoverin.es e solicita unha cita no noso centro.